Шаршады авыл җирлегендә халык җыены узды

2020 елның 21 гыйнвары, сишәмбе

17 январь көнне Шаршады авыл җирлегендә халык җыены булып узды. Пенсия фонды, социаль яклау бүлеге белгечләре халыкны кабул итте. Учреждениеләр җитәкчеләре, авыл җирлеге башлыгы 2019 елга нәтиҗә ясадылар.  ТАССРның 100 еллыгы уңаеннан авыл клубы фойесында «Гасырлар авазы аша» дип исемләнгән китап күргәзмәсе, кул эшләре күргәзмәсе оештырылды. Мәдәният хезмәткәрләре ТАССРның 100 еллыгы уңаеннан «Мин яратам сине Татарстан» дип исемләнгән концерт оештырды.