Әлфия Когогина: ПАСЕдагы Россия делегациясе Балтыйк буе һәм Украинада ирекле ММЧ белән реаль вәзгыятькә игътибар итте
27 гыйнвардан 31 гыйнварга кадәр Страсбургта Европа Советы Парламент Ассамблеясенең кышкы сессиясе уза. Россия делегациясе составына Дәүләт Думасы депутаты, Икътисадый сәясәт, сәнәгать, инновацион үсеш һәм эшкуарлык комитеты рәисе урынбасары Әлфия Когогина керә.
Парламентарийлар 28 гыйнварда карала торган мәсьәләләр арасында «Ауропа гаммәви мәгълүмат чаралары ирегенә һәм журналистларның куркынычсызлыгына янау " дигән ПАСЕ комиссиясе башлыгының беренче урынбасары Джордж Фолкесның доклады да бар иде.
«Күтәрелгән мәсьәләләрнең мөһимлегенә карамастан, без бу документны хупламадык, чөнки доклад кайбер илләргә каршы берьяклы характер йөртә. Моннан тыш, Россия делегациясе Балтыйк буе һәм Украинада ирекле ММЧ белән реаль вәзгыятькә игътибар итте", - диде Әлфия Когогина.
«Россия сегодня» ХМА башкарма директоры Кирилл Вышинский һәм Sputnik Эстония порталы җитәкчесе Елена Черышева үз чыгышларында сүз журналистларга янау һәм җинаять эзәрлекләүләре турында баруын билгеләп үттеләр. ПАСЕдагы Россия делегациясе башлыгы, Дәүләт Думасы вице-спикеры Петр Толстой докладны әзерләгәндә Джордж Фолкес профессиональ бергәлек белән аралашмавын һәм Россиядә булмавын ассызыклады. Доклад үз максатларын эзәрлекләүче төрле НПОЛАРДАН алынган мәгълүматлар һәм шикле чыганаклардан расланмаган мәгълүмат нигезендә төзелде.