Әгерҗедә узган “Мари чаңгы юллары“нда йөз алтмыш спорт сөюче катнашты

2020 елның 2 марты, дүшәмбе

Быел әлеге спорт бәйрәме районда уникенче тапкыр узды.

ТАССРның 100 еллыгына багышланган масштаблы бәйрәмгә районыбыздан гына түгел, күрше Удмуртиядән дә бик күп чаңгычылар килде. Бу көнне стартка сигез яшьлек балаларның да, 75 яшьлек апа-абыйларның чаңгыга басуы әлеге чараның мөһим һәм аның халыкны берләштерә торган бәйрәм булуын тагын бер кат дәлилләде.

Гаиләләре белән эстафетада катнашырга теләк белдерүчеләр дә күп булды, җитәкчеләр дә узышта сыналдылар.

• Эш күплекне сылтау итеп, чаңгыга басу сирәгәйде хәзер. Ә мондый мөмкинлекне кулдан ычкындырып буламы соң?! – диде Күләгәш авыл җирлеге башлыгы Юрий Васильев.

23 яшь категориясендә 69 чаңгычы пьедесталга басты бу көнне. Аларга Мактау грамоталары, медальләр, истәлек бүләкләре тапшырдылар. Спорт бәйрәмендә иң өлкән катнашучы Пеләмештән 75 яшьлек Роберт Савельевна да мактау-хөрмәткә күмделәр.