Әгерҗе укучысы "Ак калфак" II Бөтенроссия укучылар конкурсы финалында катнашачак

2020 елның 13 марты, җомга

Финал 29 мартта Казанда узачак.

Әгерҗе шәһәренең 4 нче мәктәбенең 9 нчы сыйныф укучысы Муллахмәтова Алинә Илнар кызы укучылар арасында "Ак калфак" II Бөтенроссия конкурсының өченче турына үтте.

Ул 29 мартта Казанда узачак конкурс финалында катнашачак.

Бу турда жюри әгъзалары белән очрашу, татар әдәбиятына, мәдәниятенә һәм тарихына багышланган җанлы әңгәмәдә катнашу көтелә.