Әгерҗедә зиратларга вакытлыча керү тәртибе билгеләнде

Коронавирус таралуга юл куймау максатыннан зиратларга керү тәртибе вакытлыча үзгәртелде:

- 65 яшьтән өлкәнрәкләр һәм балаларга зиратка керү тыела;

- авыру билгеләре булганда зиратка керүдән баш тартырга;

- зират территориясенә бары саклагыч битлек, перчаткалар, тыгыз ябык кием белән генә керергә мөмкин;

- зиратка килүчеләр белән кул биреп исәнләшергә ярамый;

- зират территориясендә бер-береңнән 1,5 метр дистанция булырга тиеш;

- төркемнәргә (2 һәм аннан күбрәк) җыелу катгый тыела;

- зират территориясендә ризык һәм спиртлы эчемлекләр кулланырга ярамый;

- битлек һәм перчаткалар Роспотребнадзор киңәшләре нигезендә утильләштерелергә тиеш (аерым пакетка салынып зиратка кергәндә куелган контейнерга салына);

- кулларны дезинфекция чаралары белән эшкәртергә;

- кәрәзле телефоннарны куллануны чикләргә, аларны бактерияләргә каршы махсус салфеткалар белән эшкәртергә;

- өйгә кайткач, кигән киемнәрне башка киемнән аерым урнаштырырга, аны эшкәртергә, чистартырга һәм ачык һавада 72 сәгать тотарга;

- кулларны һәм битне сабын белән яхшылап юарга;

- авыру симптомнары барлыкка килгәндә кичекмәстән сәламәтлек саклау учреждениесенә мөрәҗәгать итәргә;

– җирләү чараларын шулай ук югарыда бәян ителгән киңәшләрне үтәп башкарырга.