Әгерҗе районында авыруның яңа очрагы ачыкланды
Шимбә көнне коронавирус буенча район штабының “кайнар линия"сенә барлыгы 17 мөрәҗәгать керде. 6 кеше азык-төлек продуктлары һәм дарулар китерү мәсьәләсе буенча мөрәҗәгать итте. Биш гаиләгә хәйрия азык-төлек ярдәме күрсәтелде.
– Бүгенге көндә коронавирус белән авыруның бер яңа очрагы теркәлгән-Биектауда. Тулаем алганда, районда уңай нәтиҗә белән 6 факт, 3-се-шикле, - дип аңлата коронавирус буенча район штабы җитәкчесе Римма Гыйльметдинова. - Роспотребнадзор карары буенча 29 кеше, шул исәптән 5 бала күзәтү астында кала. 11 – башка төбәкләрдән килүчеләр. 13-контактта булган затлар, изоляциядән 2 кеше төшерелгән. Күзәтүчеләрнең хәле канәгатьләнерлек, өйдә дәвалана.
- Тәүлек эчендә кизү частенә 14 хәбәр килде. ЮХИДИ линиясе буенча 9 беркетмә төзелде. Үз-үзеңне изоляцияләү режимын бозган өчен 7 беркетмә төзелде, - дип хәбәр итә эчке эшләр министрлыгының Әгерҗе бүлеге начальнигы Айнур Вәлиев.