Әгерҗе сәнгать мәктәбе "ЛУКОЙЛ" җәмгыятенең социаль һәм мәдәни проектлары конкурсында җиңде»
Ел саен әгерҗелеләр Татарстан Республикасында «ЛУКОЙЛ» җәмгыятенең социаль һәм мәдәни проектлары конкурсында катнашалар һәм җиңүчеләр булалар. Быел унберенчесе, конкурста җиңүчеләр исемлегенә Әгерҗе районыннан өч проект керде.
"Рухият һәм мәдәният" номинациясендә «Музыка – целительная көч» проекты белән балалар сәнгать мәктәбе җиңде. Эшнең авторлары-укытучылар Лариса Рыкова һәм Юлия Мөхәммәтҗанова.
Проект зур тәрбияви һәм белем бирү әһәмиятенә ия. Ул балаларны рухи яктан баетуга, аларның һәрьяклап үсешенә исәпләнгән.
Грант акчасына-100 мең сум – мөмкинлекләре чикләнгән балалар белән бергә иҗат итү өчен музыка кораллары сатып алыначак.
- Кагыйдә буларак, бездә уен кораллары җитми. Конкурсны оештыручыларга яхшы мөмкинлек биргәннәре өчен рәхмәт. Хәзер без аккордеон һәм кызыклы кыңгыраулар куелган агач кашыклар сатып ала алачакбыз, – ди сәнгать мәктәбе директоры Ирина Сәйфуллина. – Сәламәтлекләре ягыннан мөмкинлекләре чикләнгән балаларга килгәндә, укучыларыбызның йөрәкләре шундый була. Моннан тыш, инвалидлар декадасында без алар өчен концерт бирәбез, мастер-класслар үткәрәбез.
Сүз уңаеннан, тамашачы «Әгерҗе кашыклары» ансамбленнән төрле конкурс лауреатлары һәм дипломантлары чыгышларын һәрвакыт тамаша кыла. Яңа кашыклар һәм кыңгыраулар белән аларның чыгышлары тагын да матуррак һәм кызыклырак булыр дип ышанабыз.
Әйтергә кирәк, бу сәнгать мәктәбенең социаль һәм мәдәни проектлар конкурсында беренче генә җиңүе түгел. Алдагы елларда алар мультимедиа җайланмалары, видеокамералар, ноутбук, проектор, күргәзмә җиһазлары сатып алу өчен грантлар откан иде инде. Хәзер болар барысы да эштә.