Әгерҗедә ТАССРның 100 еллыгы хөрмәтенә 100 агач утыртылды
ТР Конституциясе көнендә Әгерҗедә агач утырту буенча масштаблы акция узды, аны ТАССР төзелүнең 100 еллыгына багышладылар. 100 яшь нарат үсентесеннән торган яңа яшел аллея шәһәр читендә - күп балалы гаиләләр өчен төзелгән яңа төзелешләр микрорайонында барлыкка килде.
Акциядә район башлыгы Азат Вәлиев, Башкарма комитет җитәкчесе Артур Акбашев, урман хуҗалыгы вәкилләре, шулай ук предприятие һәм оешма җитәкчеләре катнашты.
- Мондый акцияләр бик кирәк. Бүген — Татарстанның бай тарихын искә алу, бүгенгесе турында фикер алышу һәм уңышлы киләчәккә планнар төзү өчен сәбәп. Әгерҗе районы халкы да республика үсешенә үз өлешен кертә. Татарстан казанышлары – ул безнең уртак хезмәтебез, туган ягыбызның чәчәк атуы өчен һәрберебезнең тырышлыгы нәтиҗәсе, - дип билгеләп үтте Азат Рөстәм улы.
Коры һава торышы, юеш салкын бүген зур һәм бердәм команда өчен киртә булмады. Җылы һәм дустанә шартларда эш тиз һәм көйле барды. Ә Чара ахырында барысы да кайнар чәй һәм хуш исле күмәч белән ләззәтләнде.