Әгерҗедә яңа яшьләр үзәге проекты турында фикер алыштылар
14 декабрь көнне «Талантлар салават күпере» балалар иҗат йортында яңа яшьләр үзәге проекты буенча җәмәгатьчелек фикер алышуы булып узды.
Фикер алышуда шәһәрнең гомуми белем бирү мәктәпләре укучылары, шулай ук район җитәкчелеге катнашты.
Барлыгы дүрт төркем барлыкка килде һәм көчле фикер алышу башланды. Балалар үзләренең иң кыю һәм креатив идеяләрен тәкъдим иттеләр, бинаны төзекләндерүнең заманча карарлары белән уртаклаштылар.
Еш кына тавыш яздыру студиясен һәм фотостудияләрне, хореография залын, коры бассейнлы ял зонасы, буккроссинг, аш-су әзерләү мөмкинлеге булган кухня зонасы, кызыксыну бүлмәләре (тегү, столяр осталык, химия кабинеты, компьютер залы) кебек идеяләр яңгырады.
Яшерен тавыш бирү юлы белән иң яхшы проект сайлап алынды. Иң күп тавышны 1 нче гимназия командасы алды. Нәкъ менә аларның варианты иң креатив, кызыклы һәм үзенчәлекле булып чыкты.
- Бүгенге фикер алышуда катнашкан барлык командаларга да рәхмәт. Барлык выдвинутые идеяләр, һичшиксез, кабул ителәчәк игътибарга. Аларның күбесе яңа яшьләр үзәгендә тормышка ашырылыр дип уйлыйм, - диде ахырда район башлыгы Азат Вәлиев.