Әлфия Когогина: кабул ителгән закон проекты төзелеш срокларын кыскартуга һәм дәүләт кертемнәренең нәтиҗәлелеген арттыруга юнәлдерелгән
Дәүләт Думасы капиталь объектлар төзү өлкәсендә бердәм заказчы турында законны ахыргы укылышта кабул итте. Ул объектларны, шул исәптән социаль объектларны төзүгә дәүләт контрактларын бүләчәк яңа Халык-хокукый компания төзүне күздә тота.
Дәүләт Думасы депутаты, Икътисадый сәясәт, сәнәгать, инновацион үсеш һәм эшкуарлык комитеты рәисе урынбасары Әлфия Когогина: «әлеге инициатива төзелеш срокларын кыскартырга, төзелеп бетмәгән йортлар барлыкка килүне булдырмый калырга, дәүләт кертемнәренең нәтиҗәлелеген арттырырга мөмкинлек бирәчәк", - диде. Бердәм заказчы капиталь төзелеш объектлары белән эшләячәк, аларны финанслар белән тәэмин итү федераль бюджет акчалары исәбеннән алып барылачак һәм, дәүләт заказчысы һәм төзүче функцияләрен үтәп, проектларны тормышка ашыруның нәтиҗәле контролен тәэмин итәчәк».
Бердәм заказчыны булдыру дәүләт заказчысы функцияләрен башкаручы федераль казна учреждениеләрен кушу яисә үзгәртеп кору юлы белән, хөкүмәт билгеләгән исемлек нигезендә башкарылачак. Сүз транспорт инфраструктурасы, оборона, иминлек, тышкы сәяси эшчәнлек, шулай ук «Росатом» һәм «Роскосмос»объектларыннан тыш, федераль бюджет акчалары хисабына төзелә торган объектлар турында бара.
Бердәм заказчы федераль бюджет акчаларын баш бүлүченең вәкаләтенә ия һәм, шул исәптән, объектларны федераль адреслы инвестиция программасына кертү һәм аңа үзгәрешләр кертү турында тәкъдимнәр әзерләүдә катнашачак.