Кодаш авылыннан Шакировлар гаиләсе үз мини-фермасында кул хезмәтен кыскартырга планлаштыра
Узган ел районда хөкүмәт ярдәме белән унбиш яңа мини-ферма төзелде. Шуларның берсе – кудашевлар Шакировлар хуҗалыгында. «Яңа фермада барысы да яңача, механикалаштырылган булырга тиеш", - бу эшчән гаилә шундый максат куя.
Шакировлар гомер буе күп терлек тоталар.
– Мин бу хуҗалыкка 1987 елның ноябрендә килен булып килдем. Шул вакыттан бирле без терлекләрнең баш санын арттырдык, - ди Рәмзия апа.
Сүз уңаеннан, Рәмзия белән Фәнис гаилә корып, әти-әниләре Минифлюр абый һәм Мансара апа белән 20 ел гомер кичерәләр. Уллары Фәннур,Фәнгиз, Шамил туа. Аннары ир белән хатын күршеләренә яңа йорт салганнар.
Алты ел элек урта улы Фәнгиз өйләнә. Яшь гаилә дә әти-әниләр үрнәгендә төп йортта калуны өстен күрде.
– Мин Казан авыл хуҗалыгы институтын тәмамладым. Белгечлеге буенча-агроном. Туган авылымны бик яратам. Аннан еракта ничек яшәргә мөмкин булуын күз алдына да китерә алмыйм, – ди ул.
Күпләр хәзер малсыз йөрүне өстен күрә икән, Шакировлар хуҗалыгында, киресенчә, терлекләрнең баш саны елдан-ел арта.
– Гаилә күбрәк булган саен мал – туар күбрәк, - диләр елмаеп.
Бүген аларның тату гаиләсендә сигез кеше исәпләнә. Ә терлекләр-егермегә якын.