Әгерҗе мәктәпләрендә традицион булмаган дәресләр узды
Бөтендөнья кулланучылар хокукларын яклау көне кысаларында 15 март көнне Әгерҗе шәһәре укучылары белән очрашулар уздырылды (2 нче мәктәп, 3 нче мәктәп, 4 нче мәктәп). Чаралар «Пластик материаллар белән пычрануга каршы көрәш» девизы астында үтүче Бөтендөнья кулланучылар хокукларын яклау көненә туры китерелгән, дип хәбәр итә ТР Дәүләт алкоголь инспекциясенең НЧТО белгече-эксперты Р. Д. Яппарова.
Чараны оештыручылар-Татарстан Республикасы Дәүләт алкоголь инспекциясенең Чаллы территориаль органы хезмәткәрләре, алар өлкән сыйныф укучыларын 2021 елда әлеге бәйрәмнең төп девизы белән таныштырдылар. Гадәти булмаган дәрес барышында Кулланучылар хокукларын яклау өлкәсендәге законнардагы үзгәрешләр белән таныштылар, фикер алышканда тематика мәсьәләләре буенча ныклы белем һәм эрудиция күрсәттеләр.
Чара барышында Татарстан Республикасы Дәүләт алкоголь инспекциясенең функцияләре, товарлар сатып алганда һәм хезмәтләр алганда өлкән сыйныф укучыларында килеп чыккан практик ситуацияләр турында сораулар яңгырады. Барлык кызыксындырган сорауларга җаваплар бирелде. Барлык катнашучыларга да ТР Дәүләт алкоголь инспекциясе тарафыннан эшләнгән мәгълүмати материаллар таратылды.