Әлфия Когогина: өченче бала туганда федераль бюджеттан бүленеп бирелгән 450 мең сум социаль ипотеканы каплауга ТР Дәүләт торак фонды аша җибәреләчәк.
14 апрель көнне Дәүләт Думасы өченче укылышта дәүләт ярдәме чаралары тормышка ашырыла торган кредит шартнамәләренең максатларын киңәйтүгә юнәлтелгән закон проектын кабул итте.
Дәүләт Думасы депутаты, Икътисади сәясәт, сәнәгать, инновацион үсеш һәм эшкуарлык комитеты рәисе урынбасары, «Бердәм Россия» фракциясе әгъзасы Әлфия Когогина болай дип шәрехләде: «Бүген без Татарстан халкы куйган мәсьәләне хәл итүче федераль законны соңгы укылышта кабул иттек. Ә атап әйткәндә, өченче бала туганда 450 мең сум күләмендә бүлеп бирелә торган федераль бюджет акчаларын ТР Дәүләт торак фонды аша алынган социаль ипотеканы каплауга, шулай ук төзелеп бетмәгән йорт сатып алуга, торак-төзелеш кооперативы әгъзасының пай взносы өчен түләүгә файдаланырга мөмкинлек бирә».
"Мәсьәләнең тарихын исегезгә төшерәм: Татарстанда күпбалалы гаиләләр - ТР Дәүләт торак фонды аша социаль ипотека алучылар - өченче бала тугач, ипотеканы каплауга федераль бюджеттан бер тапкыр ярдәм күрсәтә алмадылар, чөнки Дәүләт торак фонды банк түгел. Әлеге проблеманы хәл итү өчен тиешле закон проекты эшләнде, һәм бүген ул Дәүләт Думасы тарафыннан тулысынча кабул ителде. Хезмәттәшләребезгә уртак эш өчен рәхмәт! "- дип хәбәр итте Когогина.
"Бүген без кабул иткән новелла күп балалы гаиләләр өчен торакны арзанрак итә - миллион сумнан артык акчаны торак мәсьәләсен хәл итүгә, яңа яки төзелә торган торакмы ул, торак-төзелеш комплексына взнос яки гомуми милектәге өлеш: 640 мең сум тирәсе маткапитал һәм өченче бала туганда 450 мең сум. Дәүләт ярдәменең бу чаралары - ил җитәкчелеге тарафыннан аналарны һәм балаларны яклау буенча кабул ителгән һәм гражданнарга ярдәм итүгә юнәлдерелгән әһәмиятле карарлар нәтиҗәсе ", - дип билгеләде парламентарий.
Закон проектын кабул итү дәүләт ярдәме чараларын гамәлгә ашыруның нәтиҗәлелеген арттырырга һәм уңай социаль-икътисадый нәтиҗәләргә китерергә мөмкинлек бирәчәк.