Җир кишәрлеген үз белдеге белән алу - Татарстанда иң еш тәртип бозу
Җир кишәрлеген үз белдеге белән алу Татарстан Республикасы буенча Росреестр Идарәсе ачыклаган иң еш хокук бозу булып тора. 2 меңгә якын җир кишәрлеген тикшергәннән соң, бу чираттагы мәртәбә Татарстан Республикасының җирләрне файдалану һәм саклау буенча дәүләт инспекторлары инанды.
Быел Татарстан Росреестры тарафыннан җир законнарын үтәүгә 1900 тикшерү уздырылган, аларны бетерү буенча 1 400 күрсәтмә бирелгән, 4,7 миллион сумнан артык штраф салынган. Күпчелек очракта ачыкланган хокук бозулар - җир кишәрлекләрен үз белдеге белән алу.
Кагыйдә бозу еш кына Казан (198) һәм Яр Чаллы (145) территориясендә ачыкланган. Татарстан районнарыннан иң күп җир законнарын бозу (70 тән артык) Зәй, Түбән Кама һәм Балык Бистәсе районнарында теркәлгән.
«Безгә мөрәҗәгать иткән барлык җир бәхәсләренең төп сәбәпләреннән берсе - күршебез койманы күчергәндә һәм нәтиҗәдә чит территориянең бер өлешен законсыз алып торганда, - дип шәрехли Росреестрның Татарстан Республикасы буенча идарәсе җитәкчесе урынбасары Линар Гатин. - Җир кишәрлеген үз белдеге белән биләгән өчен штраф рәвешендә административ җаваплылык каралган. Гражданнар өчен бу сумма 5 мең сумнан тора.
Үз җир кишәрлеген хокукка каршы гамәлләрдән яклау өчен ул теркәлгән булырга тиеш, ә аның чикләре төгәлләштерелгән. Хокукларны рәсмиләштерү һәм ызанлауны үткәрү өчен кадастр инженерына мөрәҗәгать итәргә кирәк.
Гадел рәвештә
Җир кишәрлеген үз белдеге белән биләгән өчен штраф рәвешендә административ җаваплылык каралган. Гражданнар өчен мондый штраф җир кишәрлегенең мәшгуль өлешенең кадастр бәясенең 1,5% күләмендә исәпләнә, ләкин 5 мең сумнан да ким түгел. Участокның кадастр бәясе билгеләнмәгән очракта, административ штраф күләме 5 меңнән 10 мең сумга кадәр тәшкил итәчәк.
Әгәр сез үзегезнең җир законнары өлкәсендәге хокукларыгыз бозыла дип саныйсыз икән, сез Татарстан Республикасы буенча Росреестр идарәсенә (Казан, Авангард урамы, 74, 7 нче подъезд, тел. (843) 255-25-22) мөрәҗәгать итә аласыз. Территория бүлекләренең адреслары һәм телефоннары белән ведомствоның rosreestr.tatarstan.ru рәсми сайтында "Структура" - "Территориаль бүлекләр" бүлегендә танышырга мөмкин.