Сарсак-Омга лицее директоры итеп Ләйсән Шәйдуллина билгеләнде
Узган ел Сарсак-Омга лицее директоры итеп Ләйсән ШӘЙДУЛЛИНА билгеләнде. Ул әлеге вазыйфага лицей өчен үзенчәлекле чорга кереште: республиканың иң борынгы уку йортына 125 ел тулды. Ләйсән Маликовна җиңел булмаган бурычны намус белән үти.
Аның педагогик юлын һаман югарырак биеклекләргә күтәрелү белән чагыштырырга мөмкин. Җыйнаклык, җаваплылык, намуслылык, дипломатлык, кырыслык - болар барысы да һөнәри эшчәнлектә Ләйсән Маликовнага бик зур ярдәм булдылар.
Ләйсән Маликовна, директор булганчы, укытуның бөтен дәрәҗәләрен үтте. Мәктәпкәчә белем бирүдә мәктәптә дә эшләде. Бу педагогик язмышның барлык юлларында күпьеллык чыныгу булды.
1991 елда ул Арча педучилищесын тәмамлый. Хезмәт эшчәнлеген Тирсә балалар бакчасында тәрбияче булып башлаган.
1998 елда Сарсак-Омга агролицеена татар теле һәм әдәбияты укытучысы кабул ителә. Алабуга пединститутында эшли һәм параллель рәвештә укый. Сөйкемле, игелекле укутучыны балалар бик яратты. Ул үзен сыйныф җитәкчесе сыйфатында да бик яхшы күрсәтте.
2007 елда Ләйсән Маликовна тәрбия эшләре буенча директор урынбасары булды. Күңелле тышкы кыяфәте, аралашучанлык, эшне оештыру һәм контрольдә тоту осталыгы - аны үз вазифасында тиңдәшсез ясаган үзлекләре. Матур дикция, артистлык, укутычылар командасында, ата-аналар һәм укучылар белән эшли белү аңа матур, кызыклы, эчтәлекле чаралар үткәрергә ярдәм итте.
Үз фәненә гашыйк булган, ул баштанаяк дәрестә, лицейдагы барлык вакыйгаларга чумган. Үз тәҗрибәсе белән район һәм республика дәрәҗәсендә генә түгел, ә халыкара дәрәҗәдә дә уртаклашты. Шулай ук аның мәктәп театрында зур артистлык һәм җиңеллек белән уйнаган күпсанлы рольләре, укытучылар һәм балалар көче белән әзерләнгән Хәйрия концертларында искә төште.
Ләйсән Маликовна лицейның балалары фәнни-гамәли конференцияләрдә үз сәләтләрен күрсәтә алсын өчен күп көч куйган. Аның укучыларының "Кече Давыдов укулары" халыкара республика катнашындагы конференциясендә берничә тапкыр җиңүләре истә калган. Һәм бу мисалларның берсе генә.
Намуслы хезмәте өчен Ләйсән Маликовна «Мәгарифтә казанышлары өчен» күкрәк билгесенә лаек булды.
2020 елда аның җитәкчелегендә «Мин чиста кырда пехота идем» дигән масштаблы проект эшләнде, аның өчен ул һәм лицейның тагын ике укытучысы «Укытучының әхлакый батырлыгы өчен» Бөтенроссия конкурсының III дәрәҗә дипломнарына «Мәгариф учреждениесе кысаларында рухи-әхлакый тәрбия оештырган өчен» номинациясендә лаек булдылар. Ә 2021 елда укытучылар Ләйсән Шәйдуллина һәм Люция Терентьева җитәкчелегендә телләрне, традицияләрне, халыклар мәдәниятен саклауга һәм үстерүгә юнәлтелгән проектлар республика конкурсында зур грант отты.
Ләйсән Маликовна - рәхмәтле кеше. Ул үзенең барлык өлкән остазлары турында бик җылы сөйли, кем канаты астында хезмәт итә алган. Язмыш ихтыяры белән нәкъ менә шушы искиткеч коллективка эләккән, дип саный. Әйтергә кирәк, ул да безнең зур мәктәп гаиләсенең кадерле өлеше булды һәм булачак.
Әйләнә-тирәсендә бу гаҗәеп хатын матур, уңайлы дөнья тудыра алды. Аның барысы да тиешенчә: яхшы гаилә, ире, балалары, йорты, бакчасы. Барысын да башкарып чыгарга өлгерә, чөнки хуҗабикә хезмәт сөючән, менә дигән кул остасы, чын йорт учагын саклаучы. Күптән түгел хөрмәтле Ләйсән Маликовна үзенең данлы юбилеен билгеләп үтте. Бу гүзәл кешенең тормышының яңа чоры бәхетле булсын!