Администрациядә шәһәр юлларын һәм ишегалларын чистарту эшләре барышы турында хәбәр иттеләр
Бүген район хакимиятендә район башлыгы Азат Вәлиев җитәкчелегендә оешма-предприятиеләр җитәкчеләре катнашында эшлекле киңәшмә узды. Төп мәсьәләләрнең берсе урамнарны кардан чистарту иде.
Шәһәр башкарма комитеты җитәкчесе урынбасары Руслан Вәлиев шәһәр юлларын һәм ишегалларын чистартуның барышы турында хәбәр итте.
Исегезгә төшерәбез, шәһәрдә урып-җыю эшләре өчен «Хәлим» хуҗалыгы, «Төзелеш идарәсе» предприятиесе һәм «Брус» оешмасы җаваплы.
- Бик күп кар яуган вакытта “СтройГрад” оешмасы техникасы да ярдәмгә килә, - диде Руслан Рамил улы. Ул халыктан гаризалар буенча эшкә аерым тукталды, эш башкарылган адресларны атады. Руслан Рамил улы шулай ук проблемалы участокларны да билгеләп үтте.
- Халыктан гаризалар күп килә. Без аларның һәркайсын теркәп барабыз һәм алга таба гамәлләр планын билгелибез. Бер генә заявка да игътибарсыз калмый. Халыкка бер үтенеч: сабырлык җыярга, - дип йомгаклады ул.
Кар җыештыру буенча заявкаларны 24242 телефоны буенча яки интернеттагы рәсми челтәрләр аша бирергә мөмкин.