Өлешле катнашу шартнамәсе буенча хәзер фатирны гына түгел, йортны да сатып алырга мөмкин
2022 елның 1 мартыннан өлешле төзелештә катнашу шартнамәләре буенча аз катлы торак комплекслары чикләрендә индивидуаль торак йортларны дәүләт теркәвенә алу тәртибен билгели торган Федераль законның төп нигезләмәләре үз көченә керде. Шулай итеп, проектлы финанслау механизмын куллану мөмкинлеге индивидуаль торак йортлар (ИТЙ) төзелешенә дә кагыла.
Үзгәрешләр шулай ук өлешле төзелеш объектын һәм гомуми мөлкәтне төзүче тарафыннан тапшыру тәртибен, җир кишәрлегенә хокукны дәүләт теркәвенә алу үзенчәлекләрен һәм анда урнашкан индивидуаль торак төзелеше объектын җайга сала.
Росреестрның Татарстан Республикасы буенча идарәсе җитәкчесе урынбасары Лилия Бурганова аңлатканча, хәзер коттедж бистәләре төзүчеләренә өлешләп төзү турындагы закон нормалары кулланылачак. Димәк, алар төзелешне эскроу-счет механизмын кулланып алып барырга мөмкин.
"Безнең фикеребезчә, әлеге яңалыкларны үз шәхси йортында яшәргә теләгән гражданнар һичшиксез бәяләячәк. Бүгенге көнгә кадәр өлешле төзелеш өлкәсе күпфатирлы йортларга гына кагыла иде. Шулай ук бу Татарстанда аз катлы комплекслы төзелешне тагын да үстерү өчен өстәмә стимул булачак», - дип саный Лилия Бурганова.
Белешмәгә
Татарстан Росреестры мәгълүматлары буенча, 2021 елда гомуми мәйданы 2 млн кв. метрдан артык булган 18 мең торак йорт теркәлгән.
Яңа Закон нигезендә, хәзер ИТЙ проектларын төзүчеләр ЕИСЖСта түбәндәге мәгълүматны ачарга тиеш:
- территорияне планлаштыру проектын һәм территорияне ызанлау проектын раслау һәм территорияне ызанлау расланган проект турында белешмәләр ЕГРНна кертү хакында;
- төзелешкә рөхсәт бирү турында;
- проект декларациясе турында;
- төзелә торган индивидуаль торак төзелеше объектының планы турында, аның урнашу урынын, планлаштырыла торган мәйданын һәм мондый объекттагы һәр бинаны күрсәтеп;
- индивидуаль торак төзелеше объекты төзелә торган җир кишәрлегенең планы турында, аның мәйданы, шартлы номеры һәм урнашуы күрсәтелгән.
Гадел рәвештә
"РФнең аерым закон актларына үзгәрешләр кертү турында" 30.12.2021 № 476-ФЗ Федераль законы.
https://rosreestr.tatarstan.ru