Татарстан башкаласында җир кишәрлекләренә ихтыяҗ 1,7 артты, ә фатирларга - 1,4 тапкыр
Бу елның февралендә Татарстан Росреестры тарафыннан Казанда гына да җир кишәрлекләренә 1,5 меңнән артык килешү теркәлгән. Бу 2022 елның гыйнварына караганда 67 процентка күбрәк һәм үткән ел белән чагыштырганда 10 процентка диярлек күбрәк. Татарстанда 2022 елның февралендә җир кишәрлекләренә сату-алу буенча 8 меңнән артык шартнамә теркәлгән. Шулай ук төбәктә торак индивидуаль йортларга ихтыяҗ саклана: гомумән алганда, республикада январьга карата ул 16 %ка, узган ел белән чагыштырганда 4,5 %ка артты.
«Татарстанда җир кишәрлекләренә һәм индивидуаль торак йортларга ихтыяҗ тотрыклы төстә югары. Эпидемиологик вәзгыятьнең тигезләнүенә карамастан, безнең гражданнар элеккечә йорт биләмәләренә, бигрәк тә Казан читендә урнашкан күчемсез милеккә аеруча кызыксыну күрсәтәләр, - дип шәрехли Татарстан Республикасы буенча Росреестр идарәсе җитәкчесе урынбасары Лилия Бурганова.
Татарстан Росреестры мәгълүматлары буенча, шулай ук 2022 елның февралендә казанлылар гыйнвар аена караганда 44%ка ешрак фатирлар сатып алганнар (3,2 мең - гыйнварда һәм 4,6 мең февральдә). Шул ук чор белән чагыштырганда, бу күрсәткеч узган елгыдан 4%ка югарырак.
Шул ук вакытта фатирларга күчемсез милекнең икенчел базарында гына түгел, беренчел базарында да ихтыяҗ булган. Әйтик, агымдагы елда Татарстан Росреестры ай саен өлешләп төзелештә катнашу өчен 2 мең шартнамә теркәгән. Бу узган ел белән чагыштырганда 45% ка күбрәк.
Татарстан Республикасы риелторлар гильдиясе вице-президенты Руслан Садреев фикеренчә, агымдагы елның февралендә фатирларга ихтыяҗ арту Үзәк Банкка төп ставка арту белән бәйле, димәк ипотека буенча уртача ставкалар арту белән дә бәйле:
"Мартта, мөгаен, килешүләр санының артуы тагын да сизелерлек булачак, чөнки агымдагы ай ахырына кадәр кайбер банкларда элек хупланган клиентлар өчен ипотека буенча түбән ставка гамәлдә. 2022 елның апреленнән икенчел торакка ставка елына 20% тәшкил итәчәк, - ди Руслан Садреев.
https://rosreestr.tatarstan.ru
https://t.me/rosreestr_tatarstan