Конкурс йомгаклары буенча Әгерҗедә хокук бозуларны профилактикалауның иң яхшы отрядын билгеләделәр
25 март көнне 1 нче гимназия базасында Әгерҗе районының “Форпост” үзәге оештырган “Татарстан Республикасы Әгерҗе муниципаль районы мәгариф учреждениеләре арасында хокук бозуларны профилактикалауның иң яхшы отряды” муниципаль конкурсы узды.
Конкурста барлыгы 13 гомуми белем бирү учреждениесе катнашты. Катнашырга иң ерак белем бирү учреждениеләре (Исәнбай, Азево, Красный Бор, Кадыбаш мәктәпләре) килүе куанычлы.
Жюри отрядларының эшен Татарстан Республикасы Әгерҗе районы буенча эчке эшләр бүлегенең ОУУП һәм ПДН башлыгы Финарис Гәрәев, балигъ булмаганнар эшләре һәм аларның хокукларын яклау комиссиясе вәкилләре Эльвира Хәкимова һәм Ксения Обухова, “Мәгариф идарәсе” МКУ вәкиле Алена Беляева составында бәяләде.
«Мәгариф учреждениеләре арасында хокук бозуларны профилактикалауның иң яхшы отряды» конкурсында түбәндәгеләр җиңеп чыкты:
3 урын - Исәнбай мәктәбе, 2 урын - 1 нче гимназия, 1 урын - 2 нче мәктәп.
«Иң яхшы агитация плакаты» номинациясендә - 3 нче мәктәп.
Кызлар арасында “Көч гимнастикасы” номинациясендә 1 нче гимназия - Субаева Алсу җиңү яулады.
Көч гимнастикасында иң көчлеләр 4нче мәктәп укучылары булып чыкты.
"Калашников автоматын тулы булмаган җыю һәм сүтү" конкурсында иң яхшы вакытны Тирсә мәктәбе укучысы Музафаров Адель күрсәтте.
«Форпост» МБУ ЦМ (С) ФООП «Олимп» СОК МБУ, «Спорт мәктәбе» МБУ һәм «Агрыз-кино» МБУК конкурста җиңүчеләргә бүләк сертификатлары биргән, шулай ук чараны оештыруда һәм үткәрүдә ярдәм иткән өчен 1нче гимназия директорына һәм «Әгерҗе ЦКС» директорына бирелгән музыкаль җиһазлар өчен рәхмәт белдерә.
Район мәгариф учреждениеләренең 8 апрельгә билгеләнгән “Зарница” хәрби-патриотик чарасында да шундый ук активлыкка өметләнәбез, дип хәбәр итә оештыручылар.