Исәнбайда «Куркынычсыз тәгәрмәч» конкурсының зона этабы узды
Исәнбай авылында "Куркынычсыз тәгәрмәч" муниципаль конкурсының зона этабы узды. Анда Исәнбай, Кадыбаш, Красный Бор, Салауш, Бима һәм Күләгәштән барлыгы 6 команда катнашты.
"Конкурс юл хәрәкәтендә закон тыңлаучан катнашучыларны тәрбияләү, укучыларда сәламәт һәм куркынычсыз яшәү рәвешен формалаштыру максатыннан үткәрелә. Конкурсның бурычлары: балаларның юл-транспорт травматизмын кисәтү, укучыларның Россия Федерациясе юл хәрәкәте кагыйдәләрен белүләрен ныгыту, балаларны юлларда үз - үзеңне тоту кагыйдәләрен пропагандалауда һәм юл хәрәкәтендә куркынычсыз катнашуда катнашуга җәлеп итү", - дип билгеләп үтә Әгерҗе районында юл хәрәкәте куркынычсызлыгы ДБУ бүлекчәсе начальнигы Раушания Тимкина.
Шулай итеп, беренче урынны Кадыбаш мәктәбе, 2 урынны Исәнбай мәктәбе, 3 урынны Красный бор мәктәбе яулады.
21 апрельдә бу командалар Әгерҗегә фигуралы йөртү һәм автошәһәрчек узу өчен Балалар иҗат йортына “Салават күпере талантлары” барачак.