Район укучыларын сәхнәдә хөрмәтләделәр

2022 елның 30 апреле, шимбә

Әгерҗе районының сәләтле укучыларын Мәдәният сарае сәхнәсендә хөрмәтләделәр.

Бүген район мәдәният сараенда җиденче тапкыр талантлар фестивале узды.

Сәхнәдә районыбызның сәләтле укучылары: уку алдынгыларын, фән олимпиадаларында һәм иҗади конкурсларда җиңүчеләрне, спорт ярышлары чемпионнарын хөрмәтләделәр.

Балалар белән бергә сәхнәгә аларның укытучылары һәм әти-әниләре күтәрелде.

Бүләкләү тантанасы Балалар иҗат коллективлары чыгышы белән үрелеп барды.