ТР Эчке эшләр министрлыгы IT-мошенниклык ачылышы саны буенча Идел буе федераль округында лидер булды
Татарстан Эчке эшләр министрлыгы тоткарланган дистанцион караклар һәм мошенниклар саны буенча Идел буе федераль округы лидеры булды. Бу хакта Татарстан буенча Эчке эшләр министры, полиция генерал-лейтенанты Артем Хохорин хәбәр итте. Татарстан полициясенең беренче алты айдагы эш нәтиҗәләре буенча ведомство коллегиясендә ул шәхси составның дистанцион урлауларны тикшерүдәге уңышлары һәм аларны кылган кешеләрне ачыклау турында сөйләде. Бу күрсәткеч буенча төбәкнең полиция хезмәткәрләре Идел буе федераль округында беренче урында һәм ил буенча дүртенче урында тора. 2021 елның беренче яртыеллыгы белән чагыштырганда, мошенниклык турында судларга җибәрелгән эшләр саны бер ярым тапкырга диярлек арткан. Бу категориядә ачыкланган җинаятьчеләрнең саны 28% ка арткан. Министр сүзләренә караганда, банк счетларыннан ачылган урлаулар саны 16% ка, ә IT-технологияләрне кулланып кылынган мошенниклык очраклары 48,9% ка арткан.
Тулырак мәгълүмат: http://agryz-rt.ru/news/v-respublike/mvd-rt-stal-liderom-pfo-po-chislu-raskryvaemosti-it-moshennichestv