Әлфия Когогина: Әгерҗе районында "Бердәм Россия" инициативасы белән өч мәктәпкә капиталь ремонт ясалачак
Төбәк атнасы барышында РФ Дәүләт Думасы депутаты Әлфия Когогина бер мандатлы округының Әгерҗе районында булды һәм «Бердәм Россия»партиясенең халык программасына кертелгән мәктәпләрне капиталь ремонтлау барышы белән танышты.
"1 сентябрьгә өч яңартылган, якты, уңайлы, капиталь төзекләндерелгән мәктәпләр Әгерҗе районы балалары өчен ишекләрен ачачак. Бүген төзелештә булып, моңа үзем инандым. Һәрвакыт әйттем һәм кабатлыйм, иң яхшы инвестицияләр-безнең балаларыбызга кертем», - диде Әлфия Когогина.
Быел Әгерҗе районында Әгерҗе шәһәренең 2 нче һәм 3 нче мәктәпләренә һәм Кучуково авылындагы мәктәпләргә капиталь ремонт ясала. Бу максатларга федераль бюджеттан – 75 млн. сум, республика бюджетыннан 50 млн. сум бүлеп бирелгән. Тулаем алганда, Татарстан Республикасы буенча быел халык программасы ярдәмендә 70ләп мәктәп төзеләчәк һәм капиталь ремонтланачак.