Татарстан Росреестры 200 меңнән артык реестр хатасын төзәтәчәк
"Пространстволы мәгълүматларның милли системасы" дәүләт программасын гамәлгә ашыру кысаларында Росреестр Федераль Кадастр палатасы белән берлектә реестр хаталарын хокук ияләренең акчаларын җәлеп итмичә генә төзәтүгә кереште. Ведомство тарафыннан өч ел эчендә 1,2 миллионнан артык реестр хатасын төзәтү планлаштырыла. "Росреестр күчемсез милекнең тулы һәм төгәл реестрын формалаштыруны дәвам итә. Тарихи яктан илдә 8,5 миллионнан артык реестр хатасы тупланган, шуңа күрә ведомство алдына әлеге проблеманы хәл итү бурычы куелган. ЕГРНнан төгәлсезлекләрне бетерү эше күчемсез милек турында мәгълүматларның сыйфатын арттырырга мөмкинлек бирә һәм Росреестр эшчәнлегенең өстенлекле юнәлешләреннән берсе булып кала, шул исәптән пространстволы мәгълүматларның Милли системасын булдыру кысаларында. Ведомство бу эшкә бушлай керешергә ниятли, - дип ассызыклады ведомство җитәкчесе Олег Скуфинский.
Татарстан Республикасында 340 мең шундый төгәлсезлек бар (339951). 2022-2024 еллар чорында 230 мең реестр хатасын төзәтү планлаштырыла. "Еш кына күчемсез милек милекчеләре үз исәбенә ызан яки техник планнар төзегәндә, мәсәлән, кадастр инженерлары тарафыннан җибәрелгән реестр хаталарын төзәтү буенча кадастр эшләрен кабат башкарырга, ә аларны төзәтү мөмкин булмаган очракта - суд тәртибендә үз хокукларын якларга мәҗбүр. Шуңа бәйле рәвештә, Татарстан Росреестры мондый хаталарны милекчеләрнең өстәмә финанс чыгымнарыннан башка төзәтү буенча системалы эш оештырды», - дип хәбәр итте Татарстан Республикасы буенча Росреестр идарәсе җитәкчесе Азат Җаббаров.
Әгәр дә күчемсез милек объектлары хокук ияләре БДКМРда реестр хатасы бар дип саный икән, аны төзәтү өчен Татарстан Росреестрына мөрәҗәгать җибәрергә кирәк. Шулай ук реестр хатасын исәпкә алу-теркәү гамәлләрен башкарганда яисә ЕГРНга чикләр реестры объектларының урнашу урыны турында белешмәләр керткәндә ачыкларга мөмкин. Документлар килгәндә, ведомство техник яисә реестр хаталары булуны билгеләү максатларында белешмәләрне алдан анализлый. Аннары күчемсез милек объектының хокук иясе адресына реестр хатасын төзәтү кирәклеге турында карар җибәрә. Татарстан Росреестрының реестр хатасы ачыкланганда, Татарстан Республикасы буенча Кадастр палатасына алга таба эш алып бару өчен хат-йөкләмә җибәрә.
«Татарстан Республикасы буенча Кадастр палатасы реестр хаталарын төзәтү кысаларында җир кишәрлекләре чикләренең һәм мәйданнарының координатларын, биналар, корылмалар контурларын, төгәлләнмәгән төзелеш объектларын, муниципаль берәмлекләр, торак пунктлар, территориаль зоналар, урманчылыклар чикләрен билгеләү буенча чаралар үткәрә һәм әзер документларны реестр хатасын төзәтү кирәклеге турында карар кабул итү өчен Татарстан Республикасы буенча Росреестр идарәсенә җибәрә», - дип ачыклык кертте Кадастр палатасы директорының Татарстан Республикасы буенча урынбасары Ләйсән Рәхмәтуллина.
Алга таба күчемсез милек объектының хокук иясе адресына реестр хатасын төзәтү кирәклеге турында карар җибәрелә. 2021 елда 600 якын шундый карар кабул ителде, ә быел инде 3 меңгә якын. Өч ай дәвамында җир кишәрлеге милекчесе мөстәкыйль рәвештә реестр хатасын төзәтә ала, Татарстан Росреестрына ызан планын биреп яисә гариза нигезендә күрсәтелгән срокны алты айга кадәр озайтырга мөмкин. Әгәр дә милекче әлеге срокта хатасын төзәтмәгән икән, Татарстан Росреестры моны мөстәкыйль рәвештә (БДКМРда булган мәйданның 5% ында) эшләячәк.
Белешмә:
Реестр хатасы - Росреестрга тапшырылган документлардан БДКМРга күчерелгән хата төре: - ызан, техник планнар, территориянең карта-планы яисә тикшерү акты (бу хаталар кадастр инженеры тарафыннан җибәрелгән); - ведомствоара багланышлар тәртибендә кергән башка документлар (мондый хаталарны күрсәтелгән документларны төзегән һәм юллаган затлар һәм органнар җибәргән).