Әгерҗе районында автобус йөртүчеләр белән очрашу узды
29 августта "Игътибар-балалар" оператив - профилактик чара кысаларында "ТрансСервисРегион" ҖЧҖ базасында балаларны йөртүче автобус йөртүчеләр белән очрашу булды.
Чарада ТР Әгерҗе районы буенча ЭЭМ ЮХИДИ идарәсенең административ җәза буенча өлкән инспекторы Ләйлә Йосыпова, ТР Әгерҗе районы буенча ЭЭМ ЮХИДИ инспекторы Османов Илназ, "БДД" ДБУ башлыгы Тимкина Раушания, муниципаль хезмәткәр Ольга Мәҗитова катнашты.
Очрашу барышында Ләйлә Шамил кызы машина йөртүчеләргә Татарстан буенча аварияләр статистикасын, шулай ук балаларны имин йөртү кагыйдәләренең һәм юл хәрәкәте кагыйдәләренең тайпылышсыз үтәлешен искә төшерде. Алга таба Раушания Вәсим кызы һәм Ольга Сергеевна юл-транспорт һәлакәтләренең төп сәбәпләренә аерым игътибар бирделәр, алар арасында тизлек режимын үтәмәү, җәяүлеләр кичү юлларын йөрү кагыйдәләрен бозу, исерек килеш идарә итү. Белгечләр автобусларның куркынычсызлык каешлары белән җиһазландырылуына, ГЛОНАСС спутник навигациясе аппаратурасы белән җиһазландырылуына игътибарны юнәлтте.
Аннары сорау-җавап форматында диалог булды.
Соңыннан барлык җыелган кешеләр машина йөртүчеләрне яңа уку елы башлану белән котладылар һәм уңышлы юллар теләделәр.
Тулырак: http://agryz-rt.ru/news/avto/v-aryzskom-raione-sostoialas-vstreca-s-voditeliami-avtobusov