«Спутник " командасы елны Җиңү белән башлады
- Дәресләргә болай йөрисең икән, нәтиҗә көтмә. Минем тәрбияләнүчеләрдән барлык күнегүләргә дә төгәл йөрүләрен таләп итәм. Яхшы нәтиҗәләргә регуляр дәресләр вакытында гына өметләнергә мөмкин. Ә футбол-команда уены. Шуңа күрә кырда командада эшли белү - аеруча мөһим, - дип ышана тренер.
Узган ел Әгерҗедә ябык футбол манежы төзелде. Моңа кадәр футболчылар кышын ачык стадионда күнегүләр ясадылар. Һәр тренировка йөгерү, техника һәм теория буенча күнегүләр белән башлана. Шуннан соң гына уйный башлыйлар.
Тренер проблемалар да барлыгын яшерми. Бу ярышларга бару өчен үз транспортының булмавы, командалар өчен форма булмау, спорт инвентаре җитмәү. Күптән түгел район җитәкчелеге 2009-2010 елларда туган юниорлар командасын сөендерде, ул «Күн туп», «Кече шәһәрләр» ярышларында икенче урын яулады, аларга форма һәм туп бүләк итте.
- Һәр командага шундый формага ия буласы килә, - ди Алексей Владимирович.
Хәзерге вакытта Алексей Колчин 4 төркемдә 65 яшүсмерне өйрәтә. Киләчәктә балалар бакчаларында тәрбияләнүчеләрдән төркем җыярга тели.
- Әгәр кечкенәдән футбол уены техникасын өйрәнә башласаң, нәтиҗә күпкә яхшырак булачак, – дип саный ул.
Белешмә:
Әгерҗе спорт мәктәбендә барлыгы 105 яшүсмер футбол белән шөгыльләнә. Аларның 65е-Алексей Колчин җитәкчелегендә.
Миләүшә ЯГЪФӘРОВА
Тулырак: http://agryz-rt.ru/news/sport/komanda-sputnik-nacala-god-s-pobedy