Ленар Нургаянов Әгерҗе буенча чираттагы җәяүле киңәшмә үткәрде
Әгерҗедә торак фондын инвентаризацияләү буенча эш башланды.
Әгерҗе районы башкарма комитеты җитәкчесе Ленар Нургаянов Әгерҗе буенча чираттагы җәяүле киңәшмә үткәрде. Бу хакта ул социаль челтәрләрдә үзенең рәсми битләрендә хәбәр итте. Бигрәк тә район җитәкчесен авария хәлендәге йортлар белән бәйле хәл борчый.
"Авария хәлендәге торак фондыннан гражданнарны күчерү, күп фатирлы йортларда гомуми милекне капиталь ремонтлау, коммуналь инфраструктура объектларын модернизацияләү буенча региональ программаларны гамәлгә ашыру турында фикер алыштылар.
Җитәкчеләр актив рәвештә эшкә кушылырга, торак шартларын яхшырту яки күчерү өчен үз чиратларын көткән кешеләр белән аралашырга тиеш.
Торак-коммуналь хуҗалык белән бәйле барлык мәсьәләләр бүген иң актуаль мәсьәләләрнең берсе булып тора. Әгерҗедә торак фондын инвентаризацияләү эшен дәвам итү мөһим", - дип яза Ленар Фәридович.