Тимер юлчы Дмитрий Иванов: Мин мондый ял өчен генә!
Атнага ике тапкыр тренировкага чыгалар.
Яз - ул шатлыклы кәеф кенә түгел. Ял сезонына күпләр инде беркадәр арыганлык сизә. Бүген ял турында сөйләшик әле. Безнең район халкы хезмәт киеренкелеген ничек төшерә?
Дмитрий ИВАНОВ, Әгерҗе эксплуатацион локомотив депосының машинист-инструкторы:
Мин дә актив ял тарафдары. Авыр хезмәт көненнән соң бөтен нәрсәне онытып җибәрәсе килә. Без үз өебездә яшәгәнлектән, гади йорт эшләре белән шөгыльләнәм. Үз хуҗалыгында эш беркайчан да төгәлләнми. Хәзер менә кар ыргытам. Улларымны да шуңа җәлеп итәм. Аннары бакча башлана.
Без бит әле спортчылар. Мин хоккей белән рәхәтләнеп шөгыльләнәм, "Спутник" хоккей клубы капкачысы булам. Атнага ике тапкыр үземнең төп команда белән күнегүләргә чыгам. Якшәмбе буенча Ижевск хоккейчылары белән күнегүләр ясарга чакыралар. Мин мондый ял өчен генә! Чөнки бозда зур разрядка һәм яхшы команда уеныннан канәгатьлек аласың.