Әгерҗе районында беренче сыйныфка гаризалар кабул итү башланды
2023 елда 1 сыйныфка керүгә гаризаларны түбәндәге ысуллар белән бирергә мөмкин: РФ һәм ТР дәүләт һәм муниципаль хезмәтләре порталы аша, шәхсән мәктәпкә барып, почта элемтәсе операторлары аша.
30 мартта киләсе уку елына балаларны беренче сыйныфка күчерү турында гаризалар кабул ителә башлады. Кампания 5 сентябрьгә кадәр дәвам итәчәк.
Бу кампаниянең барышы һәм үзенчәлекләре турында мәгариф идарәсе методисты Регина САФИУЛЛИНА сөйли:
- Документлар ике этапта кабул ителә. Беренче агымда (30.03-30.06) яшәү урыны буенча беренче сыйныф укучыларын күчерү турында документлар кабул ителә. Бу исемлеккә чираттан тыш һәм беренче чираттагы хокукы булганнар да керә.
Икенче этап (06.07-05.09) беркетелгән территориядә яшәмәгән балаларга кагыла. Бу этапта гариза яшәү урынына бәйсез рәвештә кабул ителә. Димәк, башка микрорайонда яшәүчеләргә гариза бирү өчен җәй көтәргә туры киләчәк. Мәктәп җитәкчелеге бары тик класслар тулысынча комплектланган, ягъни буш урыннар булмаган очракта гына документларны кабул итүдән баш тартырга хокуклы. Мәктәпкә гаризаны 6 июльдән дә иртәрәк җибәрүнең мәгънәсе юк, чөнки аны кабул итмәсләр.
Документлар урын тәмамланганчы, әмма 5 сентябрьдән дә соңга калмыйча кабул ителәчәк. Бирелә торган документлар исемлеге: баланың атасының яисә анасының (законлы вәкиленең) шәхесен раслаучы документ күчермәсе, баланың туу турындагы таныклыкның яисә мөрәҗәгать итүченең туганлыгын раслый торган документның күчермәсе, укырга чираттан тыш яисә беренче чиратта кабул итү хокукын раслый торган документларның күчермәсе һәм башкалар.
2023 елда 1 сыйныфка керүгә гаризаларны түбәндәге ысуллар белән бирергә мөмкин: РФ һәм ТР дәүләт һәм муниципаль хезмәтләре порталы аша, шәхсән мәктәпкә барып, почта элемтәсе операторлары аша.
Документлар бирүгә кагылышлы барлык мәгълүмат мәктәпләр сайтларында урнаштырылган.