Ленар Нургаянов районда бердәнбер кече яшьлек концлагерь тоткыны Валентина Титова янына килде
Ветеран кунаклар белән үз гаиләсе тарихы белән уртаклашты.
Ел саен 11 апрельдә Халыкара фашист концлагерьлары тоткыннарын азат итү көне билгеләп үтелә. Бу истәлекле көндә район башкарма комитеты җитәкчесе Ленар Нургаянов, халыкны социаль яклау бүлеге җитәкчесе Альмира Зарипова һәм “Надежда” халыкка социаль ярдәм күрсәтү үзәге директоры Ольга Еремина районда бердәнбер кече яшьлек концлагерь тоткыны Валентина Титованы карадылар.
Ветеран кунаклар белән үз гаиләсе тарихы белән уртаклашты, ничек әсирлеккә эләгүләре, ничек исән калулары һәм сугыштан соңгы чорда ничек яшәүләре турында сөйләде.
Валентина Александровнага сәламәтлек, озын гомер һәм тыныч күк йөзе теләп, Ленар Фәридович аңа истәлекле бүләк һәм чәчәкләр тапшырды.
"Без барлык һәлак булганнарны искә алабыз һәм бу коточкыч аша узган кешеләрнең батырлыгына һәм көченә сокланабыз. Барлык тоткыннарга, тыл хезмәтчәннәренә һәм ветераннарга нык сәламәтлек, озын гомер һәм иминлек телим”, - диде ул.