Гадәттән тыш хәлләр министрлыгында Әгерҗе районының Красный Бор авылындагы фаҗига сәбәпләре турында сөйләделәр
Кама елгасында яшь парлар батып үлгән.
7 апрельдә сәгать 11дә районның диспетчерлык хезмәтенә Красный Борада Кама елгасында балыкчы ир белән хатынның югалуы турында хәбәр килде. Туганнары сүзләренчә, 1982 елда туган ир белән хатын иртәнге сәгать 5тә балык тотарга китәләр, ике сәгатьтән соң кайтырга вәгъдә итәләр
.
Шунда ук эзләү эшләре оештырылды, аларга Гадәттән тыш хәлләр министрлыгы, полиция хезмәткәрләре, кече суднолар буенча инспекцияләр, җирлек администрациясе һәм волонтерлар җәлеп ителде. Соңрак аларга сулыклар белән төбәк һәм зональ эзләү-коткару отрядлары хезмәткәрләре кушылды. Траления ысулы белән 1360 һәм 1520 квадрат метр мәйданлы Кама елгасы акваториясе тикшерелде. 9 апрельдә эзләү нәтиҗәсендә ир-атның гәүдәсе табылган, 10 апрельдә - аның хатынының гәүдәсе. Ир белән хатынның өч баласы калган.
Гадәттән тыш хәлләр министрлыгында хәбәр итүләренчә, беренчел мәгълүматлар буенча, һәлакәтнең сәбәбе куркынычсызлык техникасын бозу булган.