Әгерҗе шәһәрендә “Кызыл канәфер” акциясе узды
Акцияне Яшьләр үзәге үткәрде.
Ел саен 9 май алдыннан "Кызыл канәфер" Бөтенроссия хәйрия акциясе эшли башлый. “Кызыл канәфер” - Бөек Ватан сугышы һәм башка хәрби хәрәкәтләр ветераннарына берләшү һәм ярдәм символы ул.
20 апрельдән 22 июньгә кадәр бөтен Россия буйлап "Кызыл канәфер" значокларын алырга, шулай ук популяр маркетплейсларда һәм кибетләрдә акцияне оештыручыларның партнерларында - "Буыннар хәтере" хәйрия фондында сатып алырга мөмкин.
Акция кысаларында җыелган барлык акчалар ветераннарга медицина ярдәменә юнәлдереләчәк. Акция нәтиҗәләре буенча узган елда 28 миллион сумнан артык акча җыя алганнар - бу акчалар югары һәм түбән очлыкларны югары технологияле протезлауга, тернәкләндерү курсларына түләүгә, катлаулы операцияләргә, заманча ишетү аппаратлары һәм кирәкле дарулар сатып алуга киткән.