Өлешчә капиталь ремонт Үзәк район хастаханәсенә 15 августка кадәр төгәлләнергә тиеш

Бу максатларга 49 млн сум акча бүленгән.

Әгерҗе үзәк хастаханәсе бинасында капиталь ремонт эшләре башланды. Эш барышы белән район башкарма комитеты җитәкчесе Ленар Нургаянов танышты. Бу хакта ул үзенең социаль челтәрләрендә хәбәр итә.

"Бүген поликлиникада булдым. Март йөкләмәләренең үтәлешен шәхсән үзе контрольдә тоткан: вентиляция эше торгызылган, тәрәзәләр көйләнгән, кыска вакытта лифтны эшләтеп җибәрергә йөкләмә биргән. Диспансерлаштыру кысаларында үзе флюорография, йөрәк һәм кан тамырлары УЗИ узды. Югары квалификацияле белгечләр, яңа заманча җайланмалар эшли. Үзеңнең сәламәтлегеңне кайгыртырга кирәк. Шулай ук район үзәк хастаханәсендә өлешчә капиталь ремонт барышы белән танышты. Бу максатларга 49 млн сум акча бүленгән. Стационар, акушерлык бүлеге һәм хуҗалык-көнкүреш биналары түбәләрен алыштыру, подвалда инженерлык челтәрләрен гидроизоляцияләү һәм ремонтлау эшләре башкарылачак. 15 августка кадәр тәмамларга күрсәтмә бирдем", - дип хәбәр итә җитәкче.