Әгерҗе районы делегациясе «KazanForum 2023» Халыкара икътисадый форумында катнаша
Россиянең 84 төбәге һәм дөньяның 85 иле тәкъдим ителде.
Башкарма комитет җитәкчесе Ленар Нургаянов җитәкчелегендәге Әгерҗе районы делегациясе бүген “Россия - Ислам дөньясы: KazanForum 2023” халыкара икътисадый форумында һәм Russia Halal Expo хәләл индустриясенең халыкара күргәзмә экспозициясендә катнаша.
Чара Татарстан Республикасы Президенты Рөстәм Миңнеханов, Россия вице-премьеры Марат Хөснуллин, илнең икътисадый үсеш министры Максим Решетников һәм башкалар катнашында уза.
Билгеләп үтелгәнчә, быел чара беренче тапкыр федераль дәрәҗәдә уза. Россиянең 84 төбәге һәм дөньяның 85 иле тәкъдим ителде. Иң мөһим икътисадый мәсьәләләр турында фикер алышалар.
"Алынган мәгълүмат һәм тәҗрибә алмашу бу юнәлештә куелган максатларга ирешергә ярдәм итәр дип ышанам", - дип билгеләп үтте Ленар Фәридович.