Әгерҗедә яшәүче өлкән яшьтәге кешеләр курьерларга зур суммалар җыйганнар.
Мошенникларның хәйләләренә очрамагыз!
Россия Эчке эшләр министрлыгының Әгерҗе районы буенча бүлеге мошенниклык фактлары яңадан ешаюы турында хәбәр итә. Аферистлар өлкән яшьтәге халыкка шәһәр телефоннарына туганнары яки полиция хезмәткәрләре кыяфәтендә шалтыраталар һәм курьер килгән акчаларны сорыйлар.
Билгеләп үтелгәнчә, Әгерҗе буенча да бик күп шалтыратулар килгән, хәтта кырыгалдарларның зур суммалар тапшырган корбаннары да бар. Үзегезне алдарга ирек бирмәгез!
Әгәр сезгә туганыгыз шалтырата һәм күз яшьләре белән матди ярдәм күрсәтүне сорый икән, ашыкмагыз һәм вәзгыятьне анализлагыз. Сездән уяу булуыгызны үтенәбез.
Шикле шалтыратулар килгән очракта, полиция бүлегенә мәгълүматны яки 102 яки 8 (85551) 2-25-41 телефоннары буенча хәбәр итегез.
Хокук саклау органнары хезмәткәрләре шәһәр халкына мошенниклык очракларын булдырмас өчен, туганнарына һәм якыннарына таныш булмаган телефон номерыннан шалтырату очрагында нишләргә кирәклеге турында хәбәр итәргә кирәк, дип искә төшерә. Бу темага сезнең якыннарыгыз белән профилактик әңгәмә үткәрегез, аларга гади кагыйдәне аңлатыгыз:
мондый эчтәлектәге барлык шалтыратуларны да ИГНОРИР ясарга кирәк. Уяу булыгыз, мошенникларның хәйләләренә очрамагыз!