Бүген Әгерҗедә Әниләр көненә багышланган концерт булачак

2023 елның 24 ноябре, җомга

Чара 14.00 сәгатьтә башлана

"Әгерҗе хәбәрләре" газетасы укучылары алдагы бәйрәмгә нинди дә булса мәдәни-ял чаралары үткәреләчәкме, дип сорау бирәләр.

Сорауга Әгерҗе шәһәре Мәдәният йортында болай дип җавап бирделәр:

- 26 ноябрьдә (ноябрьнең соңгы якшәмбесе) Әниләр көне билгеләп үтелә. Шул уңайдан, бу җомгада - 24 ноябрьдә Әгерҗедә традицион бәйрәм концерты планлаштырылган. Чара 14.00 сәгатьтә башлана.

Концерт башланыр алдыннан 13.00 сәгатьтә маскировка челтәрләре һәм милли баш киеме - калфак әзерләү буенча мастер-класслар оештырылачак.

Оештыручылар билгеләп үткәнчә, чаралар турында тулы мәгълүматны 2-26-47 номеры буенча алырга мөмкин.