Андрей Кондратьев: Муниципаль депутатларның сайлаулар алдындагы явка 63,11 % тәшкил итте.

Гомумән алганда, өстәмә сайлауларда катнашу хокукына 16 меңнән артык сайлаучы ия булган.

Кичә Татарстанда муниципаль берәмлекләрнең вәкиллекле органнары депутатларын өстәмә сайлаулар узды. Сайлауларның нәтиҗәләре турында Татарстан Республикасы Үзәк сайлау комиссиясе рәисе Андрей Кондратьев сөйләде, дип яза «Татар-информ» мәгълүмат агентлыгы.

Үзәк сайлау комиссиясе башлыгы ассызыклаганча, өстәмә сайлауларда катнашу хокукына республиканың 15 районында 16 меңнән артык сайлаучы ия булган. Аның сүзләренчә, якшәмбе сайлауларда катнашу 63,11% тәшкил иткән.

Әгерҗе районында өстәмә сайлаулар Кырынды, Кучук, Яңа Бизәк авыл җирлекләрендә узды.

"Өстәмә сайлаулар ачыктан-ачык һәм легитим рәвештә, катгый рәвештә законнар нигезендә узды. Үзәк сайлау комиссиясенә мөрәҗәгатьләр бары тик мәгълүмати-белешмә характерында гына иде. Сайлау участокларында хокук бозулар теркәлмәгән. Алда Россия Федерациясе Президентын сайлаулар. Әзерләнәбез! "- дип йомгаклады Андрей Кондратьев.