Әгерҗе районында яңа урын
Район башкарма комитеты җитәкчесе билгеләнде
Салихов Илгиз Хәйдәр улы ТР Әгерҗе муниципаль районы башкарма комитеты җитәкчесе итеп билгеләнде. Бу хакта администрациянең матбугат хезмәте хәбәр итә.
Илгиз Салихов - Татарстан Республикасының атказанган авыл хуҗалыгы хезмәткәре.
Саба районы Үзәге поселогында туган. Казан дәүләт авыл хуҗалыгы академиясен тәмамлаган. 2006 елның ноябреннән 2014 елның декабренә кадәр «Ак Барс-Әгерҗе» агрофирмасы» ҖЧҖ директоры булып эшләде, 2011 елдан 2015 елга кадәр «Нәүрүз» ҖЧҖен җитәкләде. 2015 елдан - «Семиречье агрофирмасы» ҖЧҖ генераль директоры. 2016 елдан башлап Алабуга муниципаль районы Башкарма комитеты җитәкчесенең беренче урынбасары, 2020 елдан - Алабуга районында Татарстан Республикасы Авыл хуҗалыгы һәм азык-төлек министрлыгының Авыл хуҗалыгы һәм азык-төлек идарәсе башлыгы, 2022 елдан башлап Әгерҗе районында билгеләнүгә кадәр Татар авыл хуҗалыгы фәнни-тикшеренү институты җитәкчесе урынбасары булып торган.