Әгерҗе шәһәрендә "Тоннель" операциясе старт ала

Акциягә күпсанлы шәхси состав җәлеп ителәчәк

29 декабрьдә Әгерҗе районы территориясендә «Тоннель» машина йөртүчеләрен массакүләм тикшерү чаралары узачак.

- Рейдның төп максаты - аек булмаган машина йөртүчеләрне ачыклау, балаларны тотып тору җайланмаларыннан башка йөртү кагыйдәләрен бозуларны профилактикалау һәм куркынычсызлык каешын куллану кагыйдәләрен бозуларны профилактикалау, - дип шәрехләделәр районның ЮХИДИ бүлегендә.

Районның ЮХИДИ хезмәткәрләре һәр сәфәр алдыннан автомобильчеләргә барлык кирәкле документларның һәм аларның гамәлдә булу срокларын тикшерергә, юл хәрәкәте кагыйдәләрен тайпылышсыз үтәргә һәм штрафларны вакытында түләргә киңәш итәләр.