Әлфия Когогина Татарстанда социаль газлаштыру программасын гамәлгә ашыру йомгаклары буенча киңәшмә үткәрде
Дәүләт Думасы депутаты, Кече һәм урта эшмәкәрлек комитеты рәисенең беренче урынбасары Әлфия Когогина рәислегендә Татарстан Республикасында дәүләт программаларын гамәлгә ашыру буенча эшче төркем утырышы булды. Утырышның көн тәртибенә төп мәсьәлә - ТР Сәнәгать һәм сәүдә министрлыгы, ТР Хезмәт, мәшгульлек һәм социаль яклау министрлыгы, "Газпром трансгаз Казан" ҖЧҖ катнашында социаль газлаштыру программасын гамәлгә ашыру булды.
«Россия Федерациясе Президенты Владимир Путинның Россия Федерациясе Федераль Собраниесенә юлламасы барышында социаль догазификацияне гражданнар акчасын җәлеп итмичә генә үткәрү йөкләнде. Ай саен җаваплы затлар белән без эш төркеме утырышларын уздырабыз, анда барлыкка килә торган мәсьәләләр турында фикер алышабыз. Гомумән алганда, төбәктә газлаштыру дәрәҗәсе бүгенгә 99% ка җитте. Социаль газлаштыру программасы буенча республика халкы белән 25,4 мең килешү төзелгән, газүткәргеч 21,5 мең кишәрлек чикләренә бушлай җиткерелгән, 16,2 мең йорт тоташтырылган. Иң мөһиме, тоташтыру проценты бер ел эчендә 50% тан 77% ка кадәр арткан. Бу «Газпром трансгазКазан» ҖЧҖнең, Сәнәгать һәм сәүдә министрлыгының, Министрлыкның һәм республика муниципалитетларының уртак эше нәтиҗәсе», - дип шәрехләде Когогина.