Яңа ел бәйрәмнәрендә Россиянең эчке эшләр бүлегенә 70 хәбәр килгән.
Традицион рәвештә гражданнар гаилә җәнҗаллары аркасында да мөрәҗәгать иткән
Каникуллар, каникуллар... Аларны бик озак көтәсең, ничек тиз очып китәләр! Быелгы бәйрәм яллары нәрсәсе белән аерылып торды соң - традиция буенча төрле хезмәт вәкилләреннән сорарбыз.
Тимур ХУЗЯХМЕТОВ, Россия Эчке эшләр министрлыгының Әгерҗе районы буенча бүлеге башлыгы:
- Район территориясендә массакүләм күңел ачу урыннарында җәмәгать тәртибен тикшерү-оператив төркем хезмәткәрләре, юл-патруль хезмәте, халык дружинасы һәм Росгвардия вәкилләрен, шулай ук шәхси сак предприятиеләрен җәлеп итеп, офицерлар патрульләре тәэмин итте. Әйтик, шәхси состав 31 декабрьдән 1 гыйнварга кадәр Яңа ел бәйрәмнәре чорында, Яңа ел һәм раштуа чыршылары уздырганда җәмәгать тәртибен саклауда катнашты.
Кабул ителгән хәбәрләр саны йөздән артмаган (барлыгы 70), узган ел кебек үк. Бу тотрыклы оператив хәл турында сөйли. Традиция буенча гражданнар, кыйнаулар, гаилә җәнҗаллары булуга бәйле рәвештә, полиция хезмәткәрләренә ярдәм сорап мөрәҗәгать иткән. Болар барысы да нигездә алкоголь куллану яссылыгында.
Мошенникларның хәйләләренә эләккән затлардан бәйрәм көннәрендә гаризаларның булмавы сөендерә. Форсаттан файдаланып, исегезгә төшерәсем килә: исәп-хисап счетлары, банк карталары белән бәйле теләсә нинди шәхси мәгълүматны һич кенә дә сатмагыз. Әгәр сезгә таныш булмаган кешеләр килгән һәм, мәсәлән, социаль яклау, пенсия фонды, күрәзәчеләр, төрле товарларны сатучылар булып, акча сорасалар, документлар күрсәтүне сорасагыз, полициягә шалтыратыгыз. Әгәр сезгә таныш булмаган номердан шалтыратсалар һәм якыннарыгыз бәлагә эләкте, дип хәбәр итсәләр һәм проблеманы хәл итү өчен зур сумма кирәк, башта үз якыннарыгызга шалтыратыгыз, мәгълүматның дөреслегенә инаныгыз. Халыкның зирәклеге ничек әйтелә - ышан, әмма тикшер.
ЮХИДИ бүлекчәсе мәгълүматлары буенча, зыян күрүчеләр белән юл-транспорт һәлакәтләренә юл куелмаган. Транспортның механик зарарлануы белән 6 юл-транспорт һәлакәте теркәлгән. профилактик чаралар барышында 117 административ хокук бозу очрагы теркәлде. 3 аек булмаган машина йөртүче ачыкланган.