Иж-Бубыйда абыйлы-энеле Җиһангәрәевлар шахмат турниры үткәрәчәкләр

2024 елның 31 гыйнвары, чәршәмбе

Быел ул тугызынчы тапкыр узачак

4 февральдә Иж-Бубыйда, Братьев Буби мәктәбе бинасында, озак еллар мәктәп директоры булып эшләгән Рөстәм Җиһангәрәев истәлегенә шахмат турниры була. Традиция буенча турнирны уллары Искәндәр, Марат һәм Булат үткәрә.

Быел ул тугызынчы тапкыр узачак.

Катнашучыларны теркәү сәгать 9 да башлана. Былтыр ярышлар дүрт яшь категориясендә узды - балалар бакчаларында тәрбияләнүчеләр, мәктәп укучылары, ир-атлар һәм хатын-кызлар арасында.