Әгерҗе районы алкоголь өлкәсендә алдынгыларның берсе булды

Кешеләр ешрак үлә һәм исерткеч эчемлекләрдән үлә торган районнар аталды

Татарстан Республикасында республика аракысын сату 2 %ка төште. Сатуларның кимүе республиканың 26 районында күзәтелә, иң күбе Казанда, Арча, Апас, Лениногорск районнарында, - дип ассызыклады Дәүләт алкоголь инспекциясе башлыгы Җәүдәт Әхмәтханов. Ул сатуларның кимүен алкоголь продукциясенең легаль булмаган әйләнеше белән бәйләде. Бу хакта ЧелныТВ яза.

Моңа раслауны Татарстан Роспотребнадзоры мәгълүматлары да бирде. Идарә җитәкчесе урынбасары Юлия Булатова республикада 2023 елда ТР 36 районында алкоголь белән агуланудан 548 кеше зыян күргән, ә 213 кеше үлгән, диде. 

Әгерҗе, Югары Ослан, Ютазы, Чүпрәле районнарында алкоголь кулланудан үлүчеләр республика күрсәткечләреннән югарырак теркәлгән.

Ә менә ТРның алты районында алкоголь белән агулануның кимүе күзәтелә. Сүз Балтач, Арча, Нурлат, Чирмешән, Питрәч, Мөслим районнары турында бара.

Минзәлә, Әтнә, Балык Бистәсе, Кама Тамагы, Апас, Тәтеш, Яңа Чишмә районнарында бер генә алкоголь белән агулану очрагы да теркәлмәгән.

Балалар арасында да алкогольле агуланулар күзәтелә. Әйтик, 2023 елда республиканың сигез районында 37 очрак булган. Яшүсмерләр арасында 52 алкоголь агулануы теркәлгән, ә бу 2022 елга караганда 20 гә күбрәк.
Эчке эшләр министрлыгында, 2023 елда балигъ булмаганнарга алкоголь продукциясен сату белән бәйле хокук бозулар саны 73% ка арткан: 107 дән 185 кә кадәр. Әлеге хокук бозулар республика районнарында һәм 20 шәһәрдә теркәлгән. Аларның иң күбе Әлмәттә, Яр Чаллыда, Казанда булган. 

Шунысын да билгеләп үтәргә кирәк, Чаллы яшүсмерләре алкогольле эчемлекләр эчү аркасында исәптә тора.