Бүген Әгерҗе районы укытучылары “Ел укытучысы” конкурсының зона этабында катнашалар
Конкурс Яр Чаллыда уза
Бүген Чаллыда "Ел укытучысы" Бөтенроссия конкурсының зона этабы уза.
Әгерҗе районыннан Тирсә мәктәбенең җәмгыять белеме укытучысы Гөлназ Гинатуллина, Мулланурова Земфира Кадыбаш мәктәбенең математика укытучысы, 1 нче гимназиянең туган (татар) теле укытучысы Ризванова Әлфина, шулай ук 3 нче мәктәпнең рус теле һәм әдәбияты укытучысы Сәрвәрова Эльвина катнашалар.
Исегезгә төшерәбез, декабрьдә Әгерҗе шәһәрендә әлеге конкурсның муниципаль этабы узды. Анда 12 педагог катнашты.
"Ел укытучысы" - Россия Федерациясе Мәгариф министрлыгы тарафыннан үткәрелә торган еллык Бөтенроссия һөнәри конкурс. Конкурсның максаты - алдынгы мәктәп укытучыларын ачыклау, аларга ярдәм итү һәм кызыксындыру, аларның педагогик тәҗрибәләрен тарату һәм укытучы хезмәтенең абруен күтәрү.