Отпускка килгән СВО катнашучысы Бима авыл җирлеге башлыгы призына волейбол турнирында катнашты

2024 елның 23 феврале, җомга

Әлеге турнир юбилей, исәп буенча бишенче булды

Бүген, Ватанны саклаучы көнендә районда Бима авыл җирлеге башлыгы призына мари авыллары арасында волейбол буенча традицион турнир узды. Турнирда Бима, Пелемеш, Күләгәш, Кадряков һәм Мадык авыллары командалары катнашты.

Шунысы игътибарга лаек, ярышларда отпуск өчен килгән СВО катнашучысы катнашты. Район башлыгы урынбасары Илфат Ямалиев аңа батырлыгы һәм Ватанга тугрылыгы өчен рәхмәт белдерде, шулай ук бәйрәм белән котлады һәм бүләк тапшырды.

Оештыручылар билгеләп үткәнчә, хәзерге турнир юбилей, исәп буенча бишенче булды.