6 нчы балалар бакчасында «Безнең киләчәк бердәмлектә» дип исемләнгән бәйрәм узды
4 ноябрьдә Россиядә бәйрәм - Халыклар бердәмлеге көне билгеләп үтелә. Бу көн бүгенге Россиянең дәүләт бәйрәмнәре арасында аерым урын алып тора.
Халыклар бердәмлеге көне - балалар яшьтән белергә тиешле бәйрәм.
1 ноябрь көнне 6 нчы балалар бакчасы нәниләре өчен бәйрәм алдыннан балалар китапханәсе хезмәткәрләре "Безнең киләчәк бердәмлектә" дип исемләнгән бәйрәм оештырдылар. Балалар видеоролик ярдәмендә бәйрәм барлыкка килү тарихы һәм аның белән бәйле вакыйгалар белән таныштылар.
Конкурста катнашучылар барысы да актив катнаштылар: Ватан турында мәкальләр искә төшерделәр, пазлылар җыйдылар, туган телләрендә шигырьләр сөйләделәр. Дәүләт символларын искә төшерделәр, Россия Федерациясе гимнын җырладылар, зур дуслык алып бардылар, бер-берсен туган телләрендә бәйрәм белән котладылар.
Очрашу мультфильм карау белән тәмамланды.