Үз хокукларыңны яклый бел!!
Бөтендөнья кулланучылар хокукларын яклау көненә багышланган чаралар үткәрү кысаларында Әгерҗе районы буенча ТР Дәүләт алкоголь инспекциясе Яр Чаллы территориаль органы хезмәткәре Гөляева Лилия Рафаилевна һәм Гилязова Эльвира Евгеньевна 8 нче сыйныф укучылары өчен “Үз хокукларыңны яклый бел” темасына класс сәгате үткәрделәр.
Очрашу башында балаларны «Кулланучылар хокукларын яклау турында» РФ Законы белән таныштырдылар. Алга таба сатып алучыларга нәрсәләр белергә һәм үзеңне теге яки бу вәзгыятьтә ничек тотарга кирәклеген, товарны сайлаганда нәрсәгә игътибар итәргә кирәклеген һәм, әгәр кулланучылар хокуклары бозылса, ярдәм сорап кемгә мөрәҗәгать итәргә кирәклеген сөйләделәр.
Укучылар алган белемнәрен яхшырак үзләштерсеннәр һәм беркетсеннәр өчен, карта викторинасы үткәрелде: укучылар бурычлары булган төрле ситуацияле карточкаларны эзләп таптылар, үзләрен кулланучы урынына куйдылар, төрле ситуацияләрдән чыгу вариантларын тәкъдим иттеләр.
Класс җитәкчесе читтә калмады һәм әлеге викторинага кушылды.
Чара азагында белем алучылар фикер йөрткән тормыштагы хәлләрне һәм мисалларны карадылар: бу очракта кем кулланучы булып тора; әлеге очрак кулланучылар хокукларын яклауны регламентлаучы законнар астына эләгәме; барлыкка килгән ситуациядән ничек чыгарга мөмкин? Фикер алышу өчен тәкъдим ителгән темалар белән кызыксындылар.
Эльвира Евгеньевна Гыйләҗеваның йөзендә сыйныф җитәкчесе рәхмәт белдерде һәм алга таба да хезмәттәшлек итәргә теләк белдерде.
Чара азагында барысы да тематик буклетлар белән киттеләр.
Чаллы территориаль органы
Татарстан Республикасы дәүләт алкоголь инспекциясе.