Әгерҗе ансамбле Ижауда Бөтенроссия фестивалендә катнашты
Татарстан Республикасыннан 18 гариза бирелгән
Ижауда Россия халыкларының милли музыка инструментлары Бөтенроссия фестиваль-смотры узды. Чара Россия халыклары бердәмлеге елына багышланган.
Фестивальдә Идел буе һәм Урал федераль округларының тугыз төбәгеннән: Самара, Саратов, Свердловск өлкәләреннән, Чуаш Республикасыннан, Марий Эл Республикасыннан, Башкортостан Республикасыннан, Татарстан Республикасыннан, Удмуртия Республикасыннан һәм Ханты-Манси автономияле округыннан башкаручылар һәм әзерләүчеләр катнашты.
Татарстан Республикасыннан 18 гариза бирелгән. Сайлап алу нәтиҗәләре буенча финалистлар арасына Әгерҗе муниципаль районының “Әгерҗе үзәк клуб системасы” МБУК “Көмеш телле гармун” гармунчылар халык ансамбле керде.
Фестиваль кысаларында күрсәтелгән регионнардан коллективлар катнашында гала-концерт булды. Әгерҗе ансамбле традицион музыкага нигезләнгән программаны тәкъдим итте.