Татарстан Республикасы буенча СФР бүлегеннән махсус социаль түләү 28 меңнән артык медицина хезмәткәре ала
28 меңнән артык медицина хезмәткәре ай саен махсус социаль түләү рәвешендә финанс ярдәме ала. Ел башыннан СФР төбәк бүлеге медицина хезмәткәрләренә 8,6 млн. сумнан артык акча күчергән.
Махсус социаль түләү сәламәтлек саклауның беренчел звеносы, үзәк район, район һәм участок хастаханәләре табибларына, шулай ук станция һәм ашыгыч ярдәм бүлекләре хезмәткәрләренә бирелә. Медицина хезмәткәрләре категориясенә һәм медицина оешмасы төренә бәйле рәвештә түләү күләме 4,5 меңнән 50 мең сумга кадәр тәшкил итә.
Әгерҗе районында клиент хезмәте түләүләрнең документлар биргәннән соң автомат рәвештә күчерелүен искә төшерә. Һәр ай нәтиҗәләре буенча медицина учреждениеләре түләүгә хокукы булган хезмәткәрләрнең электрон реестрын формалаштыра. Хезмәткәр турында белешмәләр белән бергә анда билгеләнгән түләүләр суммасы һәм ул исәпләнгән мәгълүматлар күрсәтелгән.