Татарстан Росреестры бизнес вәкилләре арасында сораштыру үткәрде
Респондентларның күбесе ведомствога максималь балл куйдылар.
Татарстан Республикасы буенча Росреестр идарәсе күчемсез милек өлкәсендә хезмәтләр күрсәтү сыйфаты турында чираттагы сораштыру уздырды. Шәхси эшмәкәрләргә һәм юридик затларга 5 баллы шкала буенча документларны кабул итү шартларын һәм сыйфатын, теркәү тизлеген, күчемсез милекне электрон рәвештә рәсмиләштерү мөмкинлеген һ.б. бәяләргә тәкъдим ителде. Нәтиҗәдә, респондентларның күбесе Татарстан Росреестрына максималь балл куйды.
«Бизнес-бергәлек вәкилләреннән сораштырулар безнең ведомство тарафыннан даими үткәрелә, кече һәм урта эшмәкәрлек субъектлары белән үзара хезмәттәшлектә җитешсезлекләрне ачыкларга, Росреестрның дәүләт хезмәтләре күрсәтү процессын оптимальләштерергә һәм вакытын кыскартырга ярдәм итә», - дип билгеләп үтте күчемсез милекне инвестиция проектлары буенча дәүләт теркәве бүлеге башлыгы урынбасары Энҗе Мөхәммәтгалиева.